Навіны чэмпіянату свету па хакеі-2021 у Мінску і Рызе

IIHF зацвердзіў новыя тэрміны правядзення ЧС-2021 па хакеі

22 чэрвеня, Мінск /Кар. БЕЛТА/. Кангрэс Міжнароднай федэрацыі хакея (IIHF) зацвердзіў перанос тэрмінаў правядзення чэмпіянату свету 2021 года, які пройдзе ў Беларусі і Латвіі. Інфармацыя аб гэтым змешчана на афіцыйным сайце арганізацыі, паведамляе карэспандэнт БЕЛТА.

Планетарнае першынство ў Мінску і Рызе пройдзе з 21 мая па 6 чэрвеня. Гэта рашэнне было аргументавана неабходнасцю прыстасавацца да больш позняга старту ліг у Еўропе і Паўночнай Амерыцы. Ранейшыя тэрміны турніру - з 7 па 23 мая. Расклад матчаў і інфармацыя аб продажы білетаў будзе абнародавана пазней.

Чэмпіянат свету-2020, які павінен быў прайсці ў маі ў Швейцарыі, быў адменены з-за пандэміі каранавіруса.

версія для друку

зрабіць стартавай

дабавіць у выбранае