Гуманітарнае супрацоўніцтва

Беларусь накіравала гуманітарную дапамогу ў Зімбабвэ

Фота МНС

12 верасня, Мінск /Кар. БЕЛТА/. МНС Беларусі па даручэнні кіраўніка дзяржавы сумесна з зацікаўленымі арганізаваны комплекс мерапрыемстваў па аказанні гуманітарнай дапамогі паўночным раёнам Зімбабвэ для пераадолення наступстваў небывалай засухі. Аб гэтым БЕЛТА паведамілі ў МНС.

Для суправаджэння і перадачы грузу гуманітарнай дапамогі ў Зімбабвэ накіравалася дэлегацыя МНС на чале з намеснікам міністра Ігарам Болатавым.

Для пераадолення наступстваў небывалай засухі ў паўночных раёнах Зімбабвэ, з-за якой больш за 2,7 млн чалавек (каля шостай часткі насельніцтва краіны) у гэтым годзе не мелі дастатковага доступу да прадуктаў харчавання, будуць перададзены дызель-помпавыя ўстаноўкі, медыцынскія прэпараты, прадукты харчавання і прадметы першай неабходнасці (пледы, дзіцячае адзенне і абутак, сродкі гігіены) агульным коштам Br1,2 млн, масай каля 30 т і аб'ёмам больш за 100 куб.м.

Рэспубліка Беларусь рэгулярна аказвае гуманітарную дапамогу краінам, якія пацярпелі ад надзвычайных сітуацый. Так, з 1999 года Рэспублікай Беларусь міжнародная гуманітарная дапамога аказана 85 разоў 34 краінам. У мінулым годзе гуманітарная дапамога аказвалася 5 разоў (Сірыйскай Арабскай Рэспубліцы (двойчы), Турэцкай Рэспубліцы, Расійскай Федэрацыі і Рэспубліцы Куба).

версія для друку

зрабіць стартавай

дабавіць у выбранае