Прэзідэнцкія выбары-2015 у Беларусі

"На прэзідэнцкіх выбарах на кожным участку будзе не менш як два трафарэты - дакладней, іх запланавана ўсюды па два. Але гэта будзе, вядома, датычыцца ўчасткаў агульных, а не закрытых. Зразумела, ніхто ў воінскія часці трафарэты накіроўваць не будзе", - сказала Лідзія Ярмошына.

Паводле яе слоў, неабходнасць у большай колькасці трафарэтаў на кожным з участкаў наўрад ці ўзнікне. "Не думаю, што за імі будзе чарга", - заўважыла старшыня ЦВК. Яна ўдакладніла, што трафарэты для галасавання людзей з парушэннямі зроку друкуюцца разам з бюлетэнямі (бюлетэняў павінна быць 7 млн 285 тыс.).

У Беларусі на выбарах 2015 года ўпершыню ствараюцца ўмовы для самастойнага галасавання выбаршчыкаў, у якіх парушаны зрок. Выбаршчык са слабым зрокам мае права прагаласаваць без дапамогі іншых асоб з выкарыстаннем спецыяльнага трафарэта (у яго ўкладваецца бюлетэнь), аднак гэта не выключае яго права знаходзіцца ў кабіне для галасавання з суправаджальнікам або скарыстацца пры запаўненні бюлетэня дапамогай іншага выбаршчыка, які знаходзіцца ў памяшканні.

Такім чынам, нават атрымаўшы трафарэт або лупу для запаўнення бюлетэня, інвалід па зроку можа запрасіць у кабіну іншую асобу для аказання дапамогі ў запаўненні бюлетэня.