Прэзідэнцкія выбары-2015 у Беларусі
Лебедзеў: Членаў участковых камісій неабходна арыентаваць на ўважлівае стаўленне да выбаршчыкаў
21 верасня, Мінск /Кар. БЕЛТА/. Членаў участковых камісій неабходна арыентаваць на ўважлівае стаўленне да выбаршчыкаў. Такое меркаванне выказаў сёння кіраўнік місіі наглядальнікаў ад СНД на выбарах Прэзідэнта Беларусі Сяргей Лебедзеў у час азнаямлення з работай Лагойскай раённай камісіі па выбарах кіраўніка дзяржавы, перадае карэспандэнт БЕЛТА.
"На выбары прыходзяць розныя людзі. Няветлівае, неасцярожнае стаўленне выклікае ў іх выбух эмоцый і скаргі. Гэтага трэба пастарацца пазбегнуць. Трэба заўсёды аказваць дапамогу выбаршчыкам, ісці ім насустрач", - сказаў Сяргей Лебедзеў.
Кіраўнік місіі звярнуў увагу, што ў выбарах удзельнічае шмат пенсіянераў, якія асабліва маюць патрэбу ва ўвазе. "Нават калі хтосьці прыйшоў галасаваць і забыў пашпарт, можна адвезці яго дамоў за дакументам", - растлумачыў ён.
Паводле слоў Сяргея Лебедзева, выбары не павінны ператварацца ў руціннае мерапрыемства - іх неабходна арганізоўваць як святочную падзею.
версія для друку
зрабіць стартавай
дабавіць у выбранае