Усебеларускі народны сход

Законапраект аб Усебеларускім народным сходзе вынесены на грамадскае абмеркаванне

Фота з архiва

24 кастрычніка, Мінск /Кар. БЕЛТА/. Законапраект аб Усебеларускім народным сходзе вынесены на грамадскае абмеркаванне, паведамляе БЕЛТА.

Праект закона "Аб Усебеларускім народным сходзе" размешчаны на сайце "Прававы форум Беларусі".

"Грамадскае абмеркаванне будзе праводзіцца з 24 кастрычніка да 2 лістапада ўключна, - расказаў дырэктар Нацыянальнага цэнтра прававой інфармацыі Андрэй Мацельскі. - Прапановы па змесце законапраекта можна ўнесці непасрэдна на Прававым форуме. Арганізатары грамадскага абмеркавання іх абагульняць і выкарыстаюць пры далейшай дапрацоўцы законапраекта".

Згодна з праектам закона Усебеларускі народны сход з'яўляецца вышэйшым прадстаўнічым органам народаўладдзя Рэспублікі Беларусь, які вызначае стратэгічныя напрамкі развіцця грамадства і дзяржавы, забяспечвае непахіснасць канстытуцыйнага ладу, пераемнасць пакаленняў і грамадзянскую згоду.

Арганізатар грамадскага абмеркавання - Палата прадстаўнікоў Нацыянальнага сходу Беларусі.

Акрамя таго, сёння ж вынесены на грамадскае абмеркаванне і праект закона "Аб змяненні Выбарчага кодэкса Рэспублікі Беларусь". Арганізатар грамадскага абмеркавання - Нацыянальны цэнтр заканадаўства і прававых даследаванняў.

Свае заўвагі і прапановы па двух законапраектах можна выказаць у спецыяльнай тэме на Прававым форуме Беларусі.

версія для друку

зрабіць стартавай

дабавіць у выбранае