Усебеларускі народны сход

"Усебеларускі народны сход, як ніводны іншы інстытут, падкрэслівае пераемнасць беларускай дзяржаўнасці. Ён бярэ пачатак у вечавай традыцыі", - сказаў эксперт. З IX па XV стагоддзі на тэрыторыі Беларусі існавала традыцыя правядзення веча. Вадзім Гігін лічыць, што Беларусь павінна ганарыцца традыцыямі грамадзянскага грамадства.

"Цікава назіраць, як нас навучаюць грамадзянскаму грамадству. У нас ужо ў XVI-XVII стагоддзях у Мінску, у прыватнасці, былі брацтвы. Людзі збіраліся і вырашалі свае пытанні. Яны збіраліся па карпаратыўнай і па тэрытарыяльнай прыкмеце. Выразны сімвал таго - Свята-Петрапаўлаўскі сабор на Нямізе. Царква якраз пабудавана такім брацтвам", - падкрэсліў ён.

Таксама ў 1917 годзе ў Мінску сабраліся некалькі соцень дэлегатаў. "Яны ўзнялі пытанне аб суверэнітэце, але ў саюзе з брацкай Расіяй", - нагадаў Вадзім Гігін. Затым у 1939 годзе ў Беластоку збіраўся "Беларускi народны сход". Ён прыняў рашэнне аб аб'яднанні Заходняй і Усходняй Беларусі. "Вось гэта папярэднікі (Усебеларускага народнага сходу. - Заўвага БЕЛТА). Гэта прамая традыцыя", - дадаў эксперт.

"Самае галоўнае, што Усебеларускі народны сход не заканчваецца ў дзень самога сходу. Вялікая работа будзе праходзіць далей, калі дэлегаты раз'едуцца ў свае калектывы і рэгіёны. Яны будуць сустракацца з людзьмі. Гэтыя сустрэчы - прамая сувязь улады і грамадзян. Нараўне з рэферэндумамі і выбарамі гэта сапраўды частка нашай беларускай мадэлі дэмакратыі", - сказаў Вадзім Гігін.