Усебеларускі народны сход

Аналітык БІСД: УНС замацоўвае дзяржаўны курс развіцця

Фота з архiва

1 лістапада, Мінск /Кар. БЕЛТА/. За гады незалежнасці Рэспублікі Беларусь інстытут УНС зарэкамендаваў сябе як значны орган народаўладдзя, які, не з'яўляючыся класічным дзяржаўным органам, замацоўвае дзяржаўны курс развіцця. Такое меркаванне выказала аналітык БІСД Кацярына Петрашкевіч, паведамляе БЕЛТА.

На думку эксперта, прадстаўлены праект Закона Рэспублікі Беларусь з'яўляецца лагічным развіццём тэмы прывядзення норм заканадаўства ў адпаведнасць з абноўленай Канстытуцыяй. Пры гэтым Кацярына Петрашкевіч адзначыла, што прынцыпова новым момантам з'яўляецца ўключэнне УНС у існуючую сістэму дзяржаўнага кіравання.

"Безумоўна, прадугледжаныя праектам Закона нормы накіраваны на развіццё палітычнай сістэмы Рэспублікі Беларусь, пашырэнне ўдзелу грамадзян і грамадскіх інстытутаў у працэсах прыняцця значных для краіны рашэнняў", - падкрэсліла аналітык.

У той жа час яна акцэнтавала ўвагу на тым, што поспех праекта УНС у новым статусе непасрэдна залежыць ад ступені даверу грамадства гэтаму інстытуту, а давер, у сваю чаргу, забяспечваецца практыкай.

Кацярына Петрашкевіч упэўнена, што грамадства павінна пераканацца ў значнасці новага фармату УНС адразу на старце, пачынаючы ад працэдуры камплектавання складу.

"Туды павінны ўвайсці рэальна пазнаваемыя і аўтарытэтныя асобы з дакладнай пазіцыяй, гатовыя прапаноўваць ідэі для развіцця Беларусі, сувымерныя з тымі магчымасцямі і ўмовамі, у якіх знаходзіцца краіна", - лічыць эксперт.

У сувязі з гэтым Кацярына Петрашкевіч разлічвае, што ад дэпутацкага корпуса і асабліва ад грамадзянскай супольнасці будуць выбраны ініцыятыўныя, матываваныя, кампетэнтныя, прафесійна сфарміраваныя людзі, гатовыя актыўна развіваць краіну.

"Спадзяёмся, што ў будучым УНС стане сур'ёзным аналітычным цэнтрам прыняцця стратэгічных рашэнняў, які забяспечвае дадатковую ўстойлівасць усім галінам улады", - рэзюмавала яна.

версія для друку

зрабіць стартавай

дабавіць у выбранае