70-годдзе Вялікай Перамогі

Часовы павераны ў справах Беларусі ў ЗША Павел Шыдлоўскі прыняў удзел у цырымоніі ўскладання вянкоў да Сцяны свабоды ў Нацыянальным мемарыяле ветэранаў Другой сусветнай вайны ў Вашынгтоне з нагоды 70-й гадавіны Перамогі. Па даручэнні Барака Абамы саветнік Прэзідэнта ЗША па пытаннях нацыянальнай бяспекі пасол Сьюзан Райс перадала падзяку народа ЗША краінам-саюзніцам, якія перамаглі ў вайне. Сьюзан Райс выказала асаблівую ўдзячнасць Беларусі, Расіі і Украіне, якія панеслі значныя ахвяры ў перыяд вайны.

Пасольствамі Беларусі, Расіі, Казахстана і Азербайджана былі арганізаваны цырымоніі ўскладання вянкоў у Венгрыі. Ускладанне вянкоў прайшло на плошчы Свабоды Будапешта, дзе ўстаноўлены помнік савецкім салдатам, якія вызвалялі Будапешт, а таксама на сталічных могілках Керэпешы, дзе пахаваны больш за 7 тыс. салдат. Пасольства Беларусі таксама прыняло ўдзел ва ўрачыстай цырымоніі ўскладання вянкоў да помніка савецкім салдатам, якія загінулі за вызваленне Венгрыі ў г.Капашвар. 13 мая прадстаўнікі пасольства прымуць удзел ва ўрачыстай цырымоніі перапахавання астанкаў савецкіх салдат у г.Мішкальц.

Урачыстыя мерапрыемствы з нагоды святкавання 70-годдзя заканчэння Другой сусветнай вайны прайшлі ў Літве, дзе адбылося ўскладанне кветак да помнікаў Панерайскага мемарыяльнага комплексу і Антакальніскіх могілак у Вільнюсе. Надзвычайны і Паўнамоцны Пасол Беларусі ў Літве Аляксандр Кароль наведаў воінскія пахаванні, усклаў вянкі і кветкі да помнікаў на Ефрасіннеўскім і Антакальніскім могілках.

Супрацоўнікі пасольства Беларусі ў Ізраілі прынялі ўдзел ва ўрачыстых мерапрыемствах у горадзе Кір'ят Ям, прысвечаных 70-й гадавіне Перамогі ў Вялікай Айчыннай вайне. Ад імя беларускай загранустановы агучаны віншаванні ветэранам. Да мемарыяла ў памяць аб 350 тыс. воінах-яўрэях, якія загінулі на франтах Другой сусветнай вайны, ускладзены кветкі.

Ва ўрачыстых мерапрыемствах з нагоды завяршэння Вялікай Айчыннай вайны прыняў удзел генеральны консул Беларусі ў Беластоку Аляксандр Берабеня, які ўсклаў вянок на воінскіх могілках. На адной з вуліц Беластока, на месцы былога лагера для савецкіх ваеннапалонных, адбылося адкрыццё адрэстаўраванага помніка ахвярам вайны.