70-годдзе Вялікай Перамогі

Выстаўка, якая падарожнічае па абласных цэнтрах Беларусі, праходзіць у рамках рэспубліканскага патрыятычнага праекта "Кветкі Вялікай Перамогі!", прымеркаванага да 70-годдзя Перамогі ў Вялікай Айчыннай вайне.

Інфармацыйнае агенцтва БЕЛТА часта праводзіць такія выстаўкі. Некалькі гадоў таму ў Віцебску праходзіла выстаўка "Пераможцы", дзе былі прадстаўлены партрэты ўдзельнікаў вайны. "Памяць, на жаль, знікае. Мы не маем права дапусціць, каб маладое пакаленне забыла пра подзвіг, які быў здзейснены 70 гадоў таму. Дзякуючы тым падзеям мы сёння маем сваю незалежную Беларусь, у якой нам добра і камфортна жыць, - сказаў гендырэктар. - Тут ёсць фота, якія павінны нагадаць маладым людзям, што вайна - гэта не толькі геройства, гэта смерць, страх і жахі".

Дзмітрый Жук адзначыў, што выстаўка стане яркім момантам у шэрагу мерапрыемстваў, якія будуць праходзіць у Віцебску ў гонар 70-годдзя Перамогі.

Ва ўрачыстасці прынялі ўдзел намеснік старшыні аблвыканкама Уладзімір Цярэнцьеў, старшыня абласнога Савета дэпутатаў Аляксандр Ацясаў, прадстаўнікі ветэранскіх і маладзёжных арганізацый. Выстаўку наведалі намеснікі старшынь гарадскіх і раённых выканкамаў вобласці. Ганаровымі гасцямі вернісажу сталі ветэраны Вялікай Айчыннай вайны.

Асаблівую ўрачыстасць мерапрыемству надаў удзел у ім навучэнцаў Віцебскага кадэцкага вучылішча і членаў клуба ваенна-гістарычнай рэканструкцыі "Таварышы па зброі". На мерапрыемстве прагучала некалькі вакальных нумароў, падрыхтаваных дзіцячымі творчымі калектывамі.

Выстаўка БЕЛТА прадстаўляе каля 80 фотаздымкаў. У экспазіцыі прадстаўлены рарытэтныя чорна-белыя фатаграфіі з архіва інфармацыйнага агенцтва, у тым ліку вядомых ваенных карэспандэнтаў і малавядомыя кадры, а таксама лічбавыя каляровыя фотаработы цяперашніх супрацоўнікаў Беларускага тэлеграфнага агенцтва. Выстаўка "Перамога - адна на ўсіх" паказвае аўтарскі погляд праз аб'ектаў фотакамеры на розныя бакі і перыяды вайны (франтавыя баі, работа ў тыле, партызанская і падпольная барацьба, пакуты мірнага насельніцтва). Значная частка фотаздымкаў прысвечана тэме вызвалення абласных гарадоў рэспублікі, перыяду пасляваеннага аднаўлення.

Старт фотавыстаўкі "Перамога - адна на ўсіх" быў дадзейны 11 сакавіка 2015 года ў Гомелі. Экспазіцыя пабывала ўжо ў Магілёве, у Віцебску яна прабудзе да 15 красавіка. З фотаработамі карэспандэнтаў БЕЛТА можна азнаёміцца ў фае Дома кіно (2-і паверх). Затым творчы праект прадоўжыць падарожжа па іншых абласных цэнтрах краіны. У сталіцу выстаўка вернецца напярэдадні Дня Перамогі.