70-годдзе Вялікай Перамогі
Беларускія ваеннаслужачыя выступяць у Пекіне на парадзе ў гонар 70-годдзя Перамогі ў Другой сусветнай вайне
17 жніўня, Мінск /Кар. БЕЛТА/. Рота ганаровай варты Узброеных Сіл Беларусі ў пачатку верасня выступіць у цэнтры Пекіна на плошчы Цяньаньмэнь на ваенным парадзе ў гонар 70-годдзя Перамогі ў Другой сусветнай вайне і супраціўлення кітайскага народа японскім захопнікам. Аб гэтым гаворыцца на афіцыйным сайце Міністэрства абароны Беларусі, паведамляе БЕЛТА.
Беларускія ваеннаслужачыя правялі ў падрыхтоўцы да парада не адзін дзень, і ўжо зусім хутка 85 бравых хлопцаў адправяцца ў Пекін і пачнуць сумесныя трэніроўкі з кітайскімі ваеннаслужачымі.
Сёння ў Мінску ў гасцініцы Пекін адбыўся ўрачысты прыём ваеннаслужачых роты ганаровай варты УС Беларусі з нагоды адпраўкі падраздзялення ў Кітайскую Народную Рэспубліку. У мерапрыемстве прынялі ўдзел статс-сакратар - памочнік Міністра абароны па пытаннях ваеннай палітыкі генерал-маёр Алег Воінаў, пасол Кітая ў Беларусі Цуй Цымін.
Рота ганаровай варты - адно з самых элітных падраздзяленняў ва Узброеных Сілах. Радавым даводзіцца праходзіць вельмі жорсткі адбор. Жадаючыя папоўніць рады РГВ павінны мець рост ад 185 см, славянскі тып твару, выдатнае здароўе. Зладжанасць і сінхроннасць рухаў прыдумвае, як правіла, афіцэрскі калектыў. Але ўлічваюцца і пажаданні байцоў, іх задумы. Штодзень салдаты трэніруюцца па шэсць гадзін. А калі ўзнікаюць якія-небудзь тэрміновыя мерапрыемствы, то, магчыма, і больш. На тое, каб адтачыць адзін элемент, ідуць не гадзіны, а дні і тыдні.
версія для друку
зрабіць стартавай
дабавіць у выбранае