500-годдзе беларускага кнігадрукавання
Відэапраект да 500-годдзя беларускага кнігадрукавання: "Юдзіф" Скарыны гучыць на розных мовах свету
2 чэрвеня, Мінск /Кар. БЕЛТА/. Выдавецкі дом "Звязда" падрыхтаваў відэапраект да 500-годдзя беларускага кнігадрукавання. Ён апублікаваны на афіцыйным сайце газеты "Звязда", паведамляе БЕЛТА.
На правядзенне праекта рэдакцыю натхніла аднайменная кніга, другое выданне якой убачыла свет у выдавецкім доме пры падтрымцы Міністэрства інфармацыі Беларусі. Вядомая прадмова да кнігі "Юдзіф" загучала не толькі на беларускай, але і на рускай, украінскай, англійскай, кітайскай, сербскай, кабардзінскай і іншых мовах. І на кожнай з іх словы беларускага асветніка па-асабліваму кранаюць.
Сярод тых, хто дакрануўся да творчасці асветніка, вядомыя перакладчыкі Агагельды Аланазараў, Рыма Ханінава, Уладзімір Лучук, Гаа Ман, Анатоль Клышка, Саідалі Мамур. У праекце з вялікай цікавасцю ўдзельнічалі студэнты, выкладчыкі, перакладчыкі, вучоныя - носьбіты мовы.
Вядомыя радкі першадрукара "Як звяры, што блукаюць у пушчы…" можна прачытаць на 64 мовах народаў свету дзякуючы ўнікальнаму выданню 2014 года "Францыск Скарына на мовах народаў свету" выдавецкага дома "Звязда".
версія для друку
зрабіць стартавай
дабавіць у выбранае