Комплекс па вырошчванні шампіньёнаў у Шчучыне

Першы ў Гродзенскай вобласці комплекс па вырошчванні культывуемых шампіньёнаў магутнасцю 2,4 тыс. т на год адкрыўся ў Шчучыне (красавік 2018 г.). Размясцілася прадпрыемства ў раёне былога ваеннага аэрадрома, а на стварэнне высокатэхналагічнай вытворчасці спатрэбілася каля года. Увесь працэс аўтаматызаваны, камп'ютары і тэхніка сочаць за мікракліматам, ручная праца выкарыстоўваецца толькі на завяршальным этапе.