Год гістарычнай памяці

Сергяенка: гістарычная памяць беларусаў зведвае атакі і ўсялякія фальсіфікацыі

Фота з архiва

2 сакавіка, Мінск /Кар. БЕЛТА/. Гістарычная памяць беларусаў зведвае атакі і ўсялякія фальсіфікацыі. Аб гэтым заявіў сёння журналістам кіраўнік Адміністрацыі Прэзідэнта Ігар Сергяенка перад пасяджэннем Рэспубліканскага савета па гістарычнай палітыцы, перадае карэспандэнт БЕЛТА.

"Не сакрэт, што сёння гістарычная памяць зведвае атакі і ўсялякія фальсіфікацыі. Гэта спробы перапісаць гісторыю Вялікай Айчыннай вайны, спробы трактаваць тыя ці іншыя перыяды нашай гісторыі як існаванне ў іншай дзяржаве", - адзначыў Ігар Сергяенка.

Кіраўнік дзяржавы Аляксандр Лукашэнка 4 лютага падпісаў распараджэнне аб стварэнні Рэспубліканскага савета па гістарычнай палітыцы пры Адміністрацыі Прэзідэнта. Як тады адзначылі ў прэс-службе беларускага лідара, дакумент падпісаны ў Год гістарычнай памяці ў прадаўжэнне паслядоўнай палітыкі захавання праўды аб гераічным мінулым беларускага народа, фарміравання гісторыка-дзяржаўнага светапогляду, умацавання гісторыка-культурнай і духоўна-этычнай агульнасці беларусаў.

Кіраваць саветам будзе кіраўнік Адміністрацыі Прэзідэнта Ігар Сергяенка, але функцыянаваць ён будзе на базе Нацыянальнай акадэміі навук. У склад савета ўвайшлі вядомыя вучоныя ў галіне гуманітарных ведаў, аўтарытэтныя грамадскія дзеячы, прадстаўнікі палітычных партый, грамадскіх аб'яднанняў, экспертнай супольнасці, дзяржорганаў і арганізацый.

"Прадугледжваецца, што савет будзе вызначаць асноўныя напрамкі развіцця гістарычнай палітыкі ў нашай краіне. Абмяркоўваць асобныя пытанні, якія датычацца перыядаў гісторыі, ацэнкі перыядаў гісторыі, вызначаць напрамкі навуковых даследаванняў, - расказаў кіраўнік Адміністрацыі Прэзідэнта. - Увесь комплекс мерапрыемстваў будзе накіраваны ў першую чаргу на захаванне гістарычнай памяці, удакладненне асобных, можа, спрэчных момантаў у нашай гісторыі".

версія для друку

зрабіць стартавай

дабавіць у выбранае