Прамовы і інтэрв’ю
Роланд: ЗША могуць у бягучым годзе абмеркаваць з Беларуссю ўзаемнае вяртанне паслоў
25 красавіка, Мінск /Міхаіл Маціеўскі - БЕЛТА/. ЗША могуць у бягучым годзе абмеркаваць з Беларуссю ўзаемнае вяртанне паслоў. Аб гэтым заявіў сёння часовы павераны ў справах ЗША ў Беларусі Скот Роланд журналістам пасля ўрачыстай цырымоніі адкрыцця мемарыяльнай дошкі памяці Рут Уолер у мінскай сярэдняй школе нумар 130, перадае карэспандэнт БЕЛТА.
Паводле слоў дыпламата, вяртанне пасла ЗША ў Беларусь стала б вельмі добрым крокам наперад для развіцця адносін паміж дзвюма краінамі. "Я спадзяюся, што ў бягучым годзе гэта можа быць тэмай абмеркавання з Міністэрствам замежных спраў", - сказаў Скот Роланд.
У сваю чаргу міністр замежных спраў Беларусі Уладзімір Макей адзначыў, што ідзе работа над тым, каб у бліжэйшым будучым краіны мелі магчымасць весці паўнацэнны дыялог на ўзроўні пасольстваў. "Трэба не глядзець адзін на аднаго праз зброевыя прыцэлы, а размаўляць, каб знаходзіць кампрамісныя рашэнні тых пытанняў, якія здаюцца непераадольнымі, - упэўнены Уладзімір Макей. - Мы з ЗША цяпер знаходзімся якраз на этапе паступальнага пашырэння пазітыўнай атмасферы ў нашых адносінах".
Міністр перакананы, што гэта тэндэнцыя прадоўжыцца, таму што абодва бакі гатовы плўнасцю нармалізаваць супрацоўніцтва.
версія для друку
зрабіць стартавай
дабавіць у выбранае