Прамовы і інтэрв’ю

Піневіч расказаў, колькі дзяцей у Беларусі са СМА ўжо атрымалі генна-замяшчальную тэрапію

12 верасня, Мінск /Кар. БЕЛТА/. На сённяшні дзень у Беларусі шасці малышам, якія нарадзіліся з рэдкім генетычным захворваннем - спінальнай мышачнай атрафіяй (СМА), правялі генна-замяшчальную тэрапію, паведаміў журналістам міністр аховы здароўя Дзмітрый Піневіч, перадае карэспандэнт БЕЛТА.

"Шэсць дзетак ужо атрымалі такую тэрапію. Пра першыя тры ўжо можна сказаць, што ёсць станоўчы эфект", - сказаў Дзмітрый Піневіч.

Міністр удакладніў, што РНПЦ "Маці і дзіця" з'яўляецца сертыфікаваным цэнтрам і толькі ён можа ўводзіць падобныя прэпараты. "Больш таго, гэта адзін з нямногіх цэнтраў, сертыфікаваных на постсавецкай прасторы. Таму тут можа аказвацца дапамога дзеткам і з іншых краін, якім могуць увесці гэтыя прэпараты", - адзначыў ён.

Паводле яго слоў, усе дзеці знаходзяцца на кантролі. "У іх захворванні рознай ступені цяжкасці, таму кожнаму з іх праводзіцца асобна ўзятая тэрапія", - дапоўніў Дзмітрый Піневіч.

9 верасня ўпершыню ў Беларусі адразу тром малышам са СМА ўвялі самы дарагі прэпарат у свеце - "Золгенсма". Цяпер дзеці знаходзяцца пад наглядам. Такая працэдура стала магчымай пасля звароту мам гэтых дзяцей у Савет Рэспублікі. Да збору сродкаў падключылася ўся краіна. Сёння з мамамі дзяцей сустрэлася старшыня Савета Рэспублікі Наталля Качанава.

версія для друку

зрабіць стартавай

дабавіць у выбранае