Прамовы і інтэрв’ю

Пасол Палесціны аб эвакуацыі людзей з Газы: мы ўдзячныя Беларусі за выратаванне іх жыццяў

16 лістапада, Мінск /Кар. БЕЛТА/. Надзвычайны і Паўнамоцны Пасол Дзяржавы Палесціна ў Рэспубліцы Беларусь Ахмед Махамед Алмадбух, які ў Нацыянальным аэрапорце Мінск сустракае эвакуіраваных з Газы беларусаў з сем'ямі, выказаў удзячнасць Беларусі за іх выратаванне, перадае карэспандэнт БЕЛТА.

"Мы вельмі ўдзячны Беларусі за выратаванне жыццяў гэтых людзей. Застацца ў сектары Газа цяпер раўназначна смерці. Можна сказаць, што гэтыя людзі нарадзіліся нанова, калі іх выратавалі. На борце шмат дзяцей, а іх жыцці - гэта самае каштоўнае. Самае галоўнае - цяпер у гэтых людзей з'явіцца магчымасць гадаваць дзяцей у мірнай абстаноўцы, чакаць унукаў", - сказаў пасол.

На яго думку, голас розуму павінен спыніць тое, што адбываецца ў сектары Газа. "Трэба хаця б даць насельніцтву, якое там застаецца, гуманітарную дапамогу. Яны ў гэтым маюць вялікую патрэбу. У іх няма ні электрычнасці, ні вады, ні медыкаментаў", - канстатаваў пасол Палесціны ў Беларусі.

версія для друку

зрабіць стартавай

дабавіць у выбранае