Прамовы і інтэрв’ю
Лукашэнка: Х Міжнародны фестываль Башмета ўнясе важкі ўклад у развіццё міжнароднага культурнага супрацоўніцтва
28 верасня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка павіншаваў удзельнікаў з адкрыццём юбілейнага Х Міжнароднага фестывалю Юрыя Башмета. Аб гэтым БЕЛТА паведамілі ў прэс-службе беларускага лідара.
У віншаванні гаворыцца, што за мінулыя гады гэты форум зарэкамендаваў сябе як адзін з яркіх музычных праектаў, накіраваных на захаванне і папулярызацыю твораў класічнага мастацтва.
"Фестываль радуе нас жанравай разнастайнасцю і віртуозным майстэрствам удзельнікаў, бо на беларускай зямлі збіраецца сапраўднае сузор'е талентаў з розных краін свету - ад легендарных зорак да таленавітых маладых выканаўцаў", - адзначыў кіраўнік дзяржавы.
Аляксандр Лукашэнка выказаў перакананасць, што форум унясе важкі ўклад ва ўмацаванне і развіццё міжнароднага культурнага супрацоўніцтва, падорыць усім паклоннікам музыкі шмат незабыўных сустрэч і уражанняў.
версія для друку
зрабіць стартавай
дабавіць у выбранае