Прамовы і інтэрв’ю

Лукашэнка ў храме на Раство Хрыстова прызнаўся ў любві

7 студзеня, Лагойск /Кар. БЕЛТА/. Прэзідэнт Беларусі Аляксандр Лукашэнка ў храме на Раство Хрыстова прызнаўся ў любві да беларускага народа, перадае карэспандэнт БЕЛТА.

Кіраўнік дзяржавы выступіў з даволі вялікай прамовай, у якой не толькі павіншаваў усіх з Раством Хрыстовым, пажадаўшы шчасця і здароўя, але і выказаўся аб складанай абстаноўцы вакол краіны, узнікаючых выкліках, задачах на будучы перыяд і пытаннях справядлівай сацыяльнай палітыкі.

Протаіерэй Уладзімір, настаяцель храма свяціцеля Мікалая Цудатворца, куды на свята Раства Хрыстовага прыехаў кіраўнік дзяржавы, падзякаваў за добрыя словы: "Ад хвалявання сэрца гавораць вусны. Мы пачулі, як вы ад усяго сэрца выказвалі сваю заклапочанасць, занепакоенасць і ў той жа самы час любоў да нас усіх, да нашага беларускага народа".

"Я люблю свой народ і ў гэтым мая асаблівасць. Выбачайце за нясціпласць, гэта мая любоў да маіх людзей, якія стаяць перада мной. 30 гадоў таму я пакляўся, што я буду служыць свайму народу, і гэта раблю. Як бы мне складана ні было, усякае бывала. Грубых памылак мы не дапусцілі, - сказаў кіраўнік дзяржавы. - Мы ішлі па тонкім лёдзе. Але ні разу не праламалі лёд і не праваліліся ў гэту сцюдзёную ваду. Гэта - галоўнае наша дасягненне".

версія для друку

зрабіць стартавай

дабавіць у выбранае