Прамовы і інтэрв’ю
Лукашэнка: Трэба паскорыць работу ўрада па асваенні $7 млрд кітайскага крэдыту
8 лютага, Мінск /Святлана Саўко - БЕЛТА/. Работу ўрада па асваенні $7 млрд кітайскага крэдыту неабходна паскорыць. Аб гэтым заявіў Прэзідэнт Беларусі Аляксандр Лукашэнка, прымаючы з дакладам міністра замежных спраў Уладзіміра Макея, перадае карэспандэнт БЕЛТА.
Кіраўнік дзяржавы падкрэсліў, што $7 млрд, якія выдзелены КНР, - гэта вельмі добрыя грошы для Беларусі, асабліва цяпер. "Мы маглі б прафінансаваць вельмі многія праекты", - сказаў Аляксандр Лукашэнка. Паводле яго слоў, работу ўрада ў гэтым напрамку трэба паскорыць.
Пасол Беларусі ў Кітаі, як адзначыў кіраўнік дзяржавы, даложыць яму аб праблемах, якія "ў нас, магчыма, ёсць ва ўзаемаадносінах з Кітайскай Народнай Рэспублікай". Пры гэтым Аляксандр Лукашэнка растлумачыў, што размова ідзе аб праблемах з беларускага боку, якія датычацца работы ўрада, перш за ўсё, па асваенні ў эканоміцы Беларусі $7 млрд кітайскага крэдыту.
Нядаўна кіраўніку беларускай дзяржавы паступіла пісьмо ад старшыні КНР Сі Цзіньпіна, у якім ён яшчэ раз падкрэсліў факт падтрымкі Беларусі з боку КНР. У сувязі з гэтым Аляксандр Лукашэнка даручыў прадаўжаць работу з Кітайскай Народнай Рэспублікай.
версія для друку
зрабіць стартавай
дабавіць у выбранае