Прамовы і інтэрв’ю

Лукашэнка пра новы Нацыянальны гістарычны музей: пакажам, што мы не лапатнікі, а людзі з глыбокай гісторыяй

16 студзеня, Мінск /Кар. БЕЛТА/. У новым Нацыянальным гістарычным музеі можна будзе пераканацца, што беларусы не лапатнікі, а людзі з глыбокай гісторыяй. Аб гэтым Прэзідэнт Беларусі Аляксандр Лукашэнка заявіў 16 студзеня ў час сустрэчы з прадстаўнікамі працоўных калектываў Мінскага гарадскога тэхнапарка, перадае карэспандэнт БЕЛТА.

Як растлумачыў кіраўнік дзяржавы, ідэя будаўніцтва новага музея, прысвечанага гісторыі Беларусі, звязана з жаданнем паказаць маладому, падрастаючаму пакаленню, адкуль ідуць іх карані, зрабіўшы гэта так, каб было ярка, цікава для моладзі. Па аналогіі з Мінскім міжнародным выставачным цэнтрам, дзе цяпер арганізавана выстаўка дасягненняў суверэннай Беларусі, якая карыстаецца вялікай папулярнасцю сярод мінчан і гасцей сталіцы.

Будаўніцтва музея запланавана ў парку насупраць Палаца Незалежнасці, недалёка ад будынка Вярхоўнага Суда. Як падкрэсліў Прэзідэнт, гэта будзе маштабны аб'ект. "Будзе створаны такі комплекс, куды вы прыйдзеце і будзеце ганарыцца тым, што жывяце ў нашай краіне", - заявіў Аляксандр Лукашэнка.

"Вакол нас нічога не было, акрамя лясоў. Нашы людзі сваю дзяржаўнасць пачалі развіваць тут (на беларускіх землях. - Заўвага БЕЛТА). Тураўскае, Полацкае княствы... Вось мы пакажам, што мы не лапатнікі, што мы не Іваны без роду і племені, а мы - людзі з глыбокай гісторыяй", - падкрэсліў Прэзідэнт.

версія для друку

зрабіць стартавай

дабавіць у выбранае