Прамовы і інтэрв’ю

Лукашэнка: перагаворы аб міры ва Украіне павінны пачацца без папярэдніх умоў

18 жніўня, Мінск /Кар. БЕЛТА/. Перагаворы аб міры ва Украіне павінны пачацца без папярэдніх умоў. Аб гэтым Прэзідэнт Беларусі Аляксандр Лукашэнка заявіў у інтэрв'ю ўкраінскай журналістцы Дзіяне Панчанка, паведамляе БЕЛТА.

"Перагаворы павінны пачацца без папярэдніх умоў. Гэта класіка любой дыпламатыі. Я так лічу. Трэба сесці за стол перагавораў і абмяркоўваць усё. І Крым, і Херсон, Запарожжа, Данецк і Луганск. Усё там трэба абмяркоўваць. Але за сталом перагавораў. Садзімся, выпрацоўваем парадак дня. Як звычайна гэта бывае. Пералік пытанняў. Можна вярнуцца да тых пытанняў, якія тады былі выпрацаваны (у ходзе ранейшых раўндаў перагавораў, тры з якіх прайшлі ў Беларусі і адзін у Турцыі. - Заўвага БЕЛТА). Прытым Расія гатова была абмяркоўваць усе пытанні", - сказаў кіраўнік дзяржавы.

"Вядома, Расія ніколі ў жыцці не пойдзе на тое, каб, як вы гаворыце, вярнуць Крым. Гэтага не будзе. Я пакуль сумняваюся, што і тут - на ўсходзе - можна пра нешта дамовіцца. Але Расія гатова на любую тэму размаўляць. "Я вам дакладна кажу. Гатовы на любую тэму размаўляць і абмяркоўваць любую тэму. Але вы (ва Украіне. - Заўвага БЕЛТА), якіх падштурхоўваюць амерыканцы, гэтага пакуль не хочаце. Не разумееце, што больш каштоўнага за чалавечае жыццё нічога няма. А ў вас за суткі пры актыўных баявых дзеяннях паўтары тысячы чалавек гінуць", - дадаў Аляксандр Лукашэнка.

версія для друку

зрабіць стартавай

дабавіць у выбранае