Прамовы і інтэрв’ю

Лукашэнка: граніца Беларусі з Украінай не павінна быць перашкодай для перамяшчэння людзей

4 кастрычніка, Жытомір /Уладзімір Мацвееў - БЕЛТА/. Граніца Беларусі з Украінай не павінна быць перашкодай для перамяшчэння людзей. Аб гэтым Прэзідэнт Беларусі Аляксандр Лукашэнка заявіў сёння на перагаворах у пашыраным складзе з Прэзідэнтам Украіны Уладзімірам Зяленскім, перадае карэспандэнт БЕЛТА.

"Я Прэзідэнту (Украіны. - Заўвага БЕЛТА) паабяцаў, што тут не будзе ніякіх праблем", - падкрэсліў беларускі лідар.

"Уладзімір Аляксандравіч (Зяленскі) правільна паставіў пытанне па граніцы. Я як адчуў, што, магчыма, нават з папрокам. Не павінна быць беларуска-ўкраінская граніца перашкодай для перамяшчэння людзей. Я пакляўся, што гэтага не будзе. Мы ніколі не стрымлівалі і стрымліваць не будзем нашых украінцаў і беларусаў пры перамяшчэнні", - заявіў беларускі лідар.

Ён прывёў прыклад, што граніца Беларусі адкрыта для жыхароў сумежных тэрыторый, якія прывыклі збіраць у Беларусі грыбы і ягады.

"Ужо не хачу гаварыць (аскоміну нагнала) пра "пагрозы" з боку Беларусі, Украіны... Мы, дарэчы, на гэту тэму практычна не размаўлялі. Гэта я ўжо сказаў: вы не хвалюйцеся, мы будзем прытрымлівацца гэтай палітыкі. Помніце, што там - на поўначы (у Беларусі. - Заўвага БЕЛТА) народ іншы нібыта, але гэта ваш народ. Гэта вашы людзі. Я да ўкраінцаў так стаўлюся - гэта нашы людзі тут", - рэзюмаваў Аляксандр Лукашэнка.

версія для друку

зрабіць стартавай

дабавіць у выбранае