Прамовы і інтэрв’ю

13 лістапада, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка падкрэслівае абсалютную нецярпімасць да карупцыі. Аб гэтым ён заявіў сёння пры вырашэнні кадравых пытанняў адносна кіраўнікоў мясцовай вертыкалі, перадае карэспандэнт БЕЛТА.

"Барацьба з карупцыяй - гэта непахіснае маё патрабаванне і мае дзеянні з першага дня майго прэзідэнцтва. Не таму, што я хачу паказацца такім крутым. Пытанне не ў гэтым, - сказаў кіраўнік дзяржавы. - Карупцыя з'ядае ўсё. Гэта ржа. Нашы людзі, якія прывыклі да справядлівасці, ніколі не даруюць начальнікам крадзяжу, казнакрадства, хабарніцтва і іншых карупцыйных праяў".

"Колькі б я ні гаварыў, але пастаянна мы адпраўляем у следчы ізалятар дзясятак-паўтара начальнікаў у год. Гэта ненармальна", - падкрэсліў Аляксандр Лукашэнка.

Прэзідэнт дадаў, што лічыць карупцыю недапушчальнай з'явай і ніколі не стане на абарону тых, хто ў гэтым замяшаны. "Я неяк сказаў: "Мужыкі, лепш бядней, але на волі", - адзначыў ён.