Прамовы і інтэрв’ю

Лебедзеў: упэўнены, што беларускія спартсмены пакажуць высокі ўзровень на II Гульнях краін СНД

Фота з архiва

3 жніўня, Мінск /Кар. БЕЛТА/. Генеральны сакратар СНД Сяргей Лебедзеў выказаў упэўненасць, што беларускія спартсмены пакажуць высокі ўзровень спартыўнай падрыхтоўкі на II Гульнях краін СНД, перадае карэспандэнт БЕЛТА.

"У мяне няма ніякіх сумненняў, што беларускія спартсмены пакажуць высокі клас, высокі ўзровень спартыўнай падрыхтоўкі. І ўдзел беларускіх спартсменаў у Гульнях будзе суправаджацца, вядома, высокімі вынікамі і медалямі. Я ў гэтым не сумняваюся", - сказаў Сяргей Лебедзеў.

"Беларусь заўсёды вызначалася высокім узроўнем сваіх медалёў на розных спартыўных спаборніцтвах, у тым ліку сусветнага класа, - на Алімпійскіх гульнях, чэмпіянатах свету, - падкрэсліў генеральны сакратар. - Таму пры ўсёй добрай падрыхтоўцы спартсменаў з іншых краін я глыбока перакананы, што беларускія спартсмены будуць у ліку першых".

II Гульні краін СНД пройдуць з 4 па 14 жніўня ў 11 гарадах Беларусі па 20 відах спорту, урачыстыя цырымоніі адкрыцця і закрыцця спаборніцтваў плануецца правесці 5 і 13 жніўня.

версія для друку

зрабіць стартавай

дабавіць у выбранае