Прамовы і інтэрв’ю

Анатоль Калінін падкрэсліў важнасць міжрэгіянальнага супрацоўніцтва для далейшай актывізацыі ўсяго комплексу беларуска-кітайскіх сувязей. Ён адзначыў, што створана прававая база для наладжвання беларуска-кітайскага рэгіянальнага супрацоўніцтва. Пагадненні аб рэгіянальным супрацоўніцтве з кітайскімі правінцыямі заключылі ўсе шэсць абласцей Беларусі. Адносіны паміж Гродзенскай вобласцю і правінцыяй Ганьсу маюць даволі доўгую гісторыю і планамерна развіваюцца. У лістападзе 2003 года паміж УП "Гродзенскае аддзяленне Беларускай гандлёва-прамысловай палаты" і аддзяленнем Кітайскага камітэта садзейнічання міжнароднаму гандлю правінцыі Ганьсу падпісана пагадненне аб супрацоўніцтве. У ліпені 2007 года было падпісана пагадненне аб устанаўленні пабрацімскіх адносін паміж Гродзенскай вобласцю і правінцыяй Ганьсу.

Вопыт рэгіянальнага супрацоўніцтва Беларусі з асобнымі рэгіёнамі Кітая паказвае, што пры ўвазе кіраўніцтва рэгіёнаў, пры сістэмнай і мэтанакіраванай рабоце партнёраў па ўстанаўленні і развіцці сувязей гэта супрацоўніцтва дае рэальную аддачу, садзейнічае актывізацыі двухбаковых сувязей, у першую чаргу развіццю ўзаемнага гандлю, новых інвестыцыйных праектаў, таксама адзначыў Анатоль Калінін.

Лю Вэйпін у сваю чаргу падкрэсліў, што менавіта механізм міжрэгіянальнага супрацоўніцтва ў самай бліжэйшай перспектыве можа павялічыць аб'ёмы двухбаковага гандлю паміж Беларуссю і Кітаем.

На сустрэчы таксама абмяркоўваліся перспектыўныя напрамкі супрацоўніцтва Беларусі з правінцыяй Ганьсу. Сярод іх створаныя ў 2014-2015 гадах у правінцыі Ганьсу сумесныя прадпрыемствы па зборцы трактароў МТЗ і камбайнаў "Гомсельмаш". Таксама ішла размова аб пастаўках беларускай кар'ернай тэхнікі, стварэнні на тэрыторыі Беларусі вытворчых пляцовак па выпуску элементаў альтэрнатыўнай энергетыкі, электрарухавікоў і генератараў для далейшага экспарту ў краіны ЕС і ЕАЭС, а таксама магчымасць інвесціравання ў транспартна-інфраструктурныя праекты Гродзенскай вобласці.