Прамовы і інтэрв’ю

Дырэктар "Беларусьфільма": для нас важна выйсці на кітайскі кінарынак

20 лістапада Беларусь і Кітай падпісалі пагадненне аб сумеснай кінавытворчасці

24 лістапада, Мінск /Кар. БЕЛТА/. Для нас важна выйсці на кітайскі кінарынак. Аб гэтым заявіў генеральны дырэктар нацыянальнай кінастудыі "Беларусьфільм" Юрый Аляксей у час прэс-канферэнцыі, перадае карэспандэнт БЕЛТА.

"Мы змаглі пашырыць геаграфію фестывалю "Лістапад", у ім удзельнічала каля 107 краін. Я вельмі ганаруся, што з дапамогай гэтага фестывалю наша рэспубліка выйшла на такі ўзровень. На фестывалі мы правялі шэраг перагавораў і падпісалі шэраг пагадненняў, у тым ліку з Кітайскай Народнай Рэспублікай. Для нас вельмі важна выйсці на кітайскі рынак. Разам з кінастудыяй Ігара Угольнікава мы плануем зняць фільм аб нашых партызанах. Таксама мы падпісалі пагадненне з "Татаркіно", правялі перагаворы з кінастудыяй "Лендок" і падрыхтавалі пагадненне аб намерах. Працаваць з "Татаркіно" мы плануем у наступным годзе. Расія і Кітай - нашы стратэгічныя партнёры", - расказаў Юрый Аляксей.

"Я вельмі ганаруся, што фестываль адкрыў дэбютны фільм нашага маладога рэжысёра Кірыла Халецкага "Кіношнікі". У наступным годзе будзе юбілейны 30-ы фестываль. Для нас гэта вельмі важна, але я ўпэўнены, што з такой камандай нам любы фестываль пад сілу", - дадаў генеральны дырэктар Нацыянальнай кінастудыі "Беларусьфільм".

Ён адзначыў, што яму спадабаліся многія кінастужкі і ён вельмі ўдзячны калегам, якія прынялі ўдзел у "Лістападзе". "Калі на гэтым фестывалі мы аб'ядналі 107 краін, значыць мы зрабілі вельмі шмат для ўмацавання нашых партнёрскіх адносін на сусветным узроўні", - рэзюмаваў Юрый Аляксей.

версія для друку

зрабіць стартавай

дабавіць у выбранае