Прамовы і інтэрв’ю
Чжан Дэцзян: Кітай задаволены развіццём адносін з Беларуссю
18 красавіка, Мінск /Міхаіл Маціеўскі - БЕЛТА/. Кітай задаволены развіццём двухбаковых адносін з Беларуссю. Аб гэтым заявіў старшыня Пастаяннага камітэта Усекітайскага сходу народных прадстаўнікоў Чжан Дэцзян сёння на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
"Кітай і Беларусь заўсёды аказваюць адзін аднаму давер і дапамогу. Наша супрацоўніцтва ва ўсіх галінах хутка развіваецца. Мы задаволены развіццём нашых двухбаковых адносін", - сказаў Чжан Дэцзян.
Прычым, заўважыў ён, дзяржавы падтрымліваюць высокую інтэнсіўнасць кантактаў на самых розных узроўнях. Гэта датычыцца як міжрэгіянальнага ўзаемадзеяння, так і сустрэч на вышэйшым узроўні.
"Мы набылі ўсе рысы сталых міждзяржаўных адносін: гэта трывалая палітычная аснова, інтэграваныя эканамічныя інтарэсы, актыўныя і дынамічныя гуманітарныя сувязі, цеснае супрацоўніцтва на міжнароднай арэне", - звярнуў увагу высокі госць з Кітая.
версія для друку
зрабіць стартавай
дабавіць у выбранае