Прамовы і інтэрв’ю

15 мая, Мінск /Кар. БЕЛТА/. Беларусь высока цэніць уклад Сусветнай арганізацыі аховы здароўя ў прадухіленне пагрозы ліхаманкі Эбола для сусветнай супольнасці. Такое меркаванне змешчана ў пасланні Прэзідэнта Беларусі Аляксандра Лукашэнкі, якое пастаянны прадстаўнік Беларусі пры аддзяленні ААН і іншых міжнародных арганізацыях у Жэневе Міхаіл Хвастоў перадаў генеральнаму дырэктару СААЗ Маргарэт Чэн, паведамілі БЕЛТА ў прэс-службе Міністэрства замежных спраў Беларусі.

У пасланні таксама падкрэсліваецца важнасць больш скаардынаванага і аператыўнага рэагавання на такія пагрозы, для чаго неабходна ўмацоўваць патэнцыял па аналізе і прагназаванні сітуацыі.

"Рэспубліка Беларусь зацікаўлена ў далейшым пашырэнні прадметнага ўзаемадзеяння з СААЗ па ўсіх абазначаных напрамках, у тым ліку ў вывучэнні перадавых практык, і гатова падзяліцца ўласным станоўчым вопытам і магчымасцямі ў пытанні прадухілення ўспышак інфекцыйных захворванняў", - гаворыцца ў пісьме Прэзідэнта Беларусі.