Падзеі, факты, анонсы
Выстаўку работ са збору Траццякоўскай галерэі прадставяць у Магілёве і Мінску
5 мая, Мінск /Кар. БЕЛТА/. Выстаўку работ са збору Дзяржаўнай Траццякоўскай галерэі (Расія) прадставяць у Магілёве і Мінску. Аб гэтым паведаміў у час анлайн-канферэнцыі на сайце БЕЛТА генеральны дырэктар Нацыянальнага мастацкага музея Беларусі Уладзімір Пракапцоў.
У Магілёве ў верасні адбудзецца III Нацыянальны форум "Музеі Беларусі", у ходзе якога плануецца адкрыццё пасля рэстаўрацыі філіяла Нацыянальнага мастацкага музея - музея В.К. Бялыніцкага-Бірулі. Адкрыццё абноўленага будынка будзе азнаменавана выстаўкай твораў са збору Дзяржаўнай Траццякоўскай галерэі. Экспазіцыю складуць 15-17 твораў (больш не дазваляюць экспазіцыйныя плошчы музея). Самай знакавай з'яўляецца карціна Ісака Левітана "Над вечным спакоем", якая, дарэчы, была напісана на дачы Бялыніцкага-Бірулі ў Цвярской вобласці.
"Думаю, гэта будзе самая важная падзея форуму, у якім прымуць удзел дырэктары музеяў з розных краін, у тым ліку дырэктар Нацыянальнага мастацкага музея Кітая. У якасці ганаровага старшыні аргкамітэта запрошана гендырэктар Траццякоўскай галерэі Зельфіра Ісмаілаўна Трэгулава", - сказаў гендырэктар НММБ.
Потым выстаўка пераедзе ў Мінск у Нацыянальны мастацкі музей Беларусі, дзе будзе дапоўнена творамі рускіх майстроў з калекцыі НММБ. Такі сумесны беларуска-расійскі праект будзе рэалізаваны пад заслону Года культуры.
версія для друку
зрабіць стартавай
дабавіць у выбранае