Падзеі, факты, анонсы
Васіль Кірыенка будзе сцяганосцам зборнай Беларусі на адкрыцці Алімпіяды
2 жніўня, Мінск /Кар. БЕЛТА/. Велагоншчык Васіль Кірыенка будзе несці дзяржаўны сцяг Беларусі на цырымоніі адкрыцця ХХХI летніх Алімпійскіх гульняў у Рыа-дэ-Жанэйра, паведамілі БЕЛТА ў прэс-службе Нацыянальнага алімпійскага камітэта.
Першапачаткова планавалася, што сцяг панясе алімпійскі чэмпіён Лондана 2012 года па кулявой стральбе Сяргей Мартынаў, які цяпер з'яўляецца трэнерам. Аднак у сувязі з рашэннем Міжнароднага алімпійскага камітэта аб тым, што сцяганосцам нацыянальных дэлегацый на цырымоніі адкрыцця Гульняў могуць быць выключна дзеючыя спартсмены, якія будуць удзельнічаць у спаборніцтвах у Рыа, адбылася гэта замена. Веласіпедыст Васіль Кірыенка з'яўляецца чэмпіёнам свету і пераможцам першых Еўрапейскіх гульняў, якія прайшлі ў Баку год таму.
Цырымонія адкрыцця Алімпіяды ў Рыа-дэ-Жанэйра адбудзецца 5 жніўня на стадыёне "Маракана". У склад беларускай алімпійскай каманды ўвайшлі 124 атлеты, якія будуць спаборнічаць за ўзнагароды ў 24 спартыўных дысцыплінах.
версія для друку
зрабіць стартавай
дабавіць у выбранае