Падзеі, факты, анонсы

Уладзімір Самсонаў выбраны віцэ-прэзідэнтам ETTU

Уладзімір Самсонаў. Фота НАК Беларусі

22 верасня, Мінск /Кар. БЕЛТА/. Вядомы беларускі спартсмен Уладзімір Самсонаў на анлайн-кангрэсе Еўрапейскага саюза настольнага тэніса (ETTU) выбраны віцэ-прэзідэнтам гэтай арганізацыі, паведамляе прэс-службе НАК Беларусі.

Прадстаўнік Расіі Ігар Лявіцін быў выбраны прэзідэнтам ETTU. У выканаўчы камітэт увайшлі: першы віцэ-прэзідэнт Пэдра Моўра (Партугалія), віцэ-прэзідэнт па фінансах Сандра Дыятон (Англія), віцэ-прэзідэнты Хейкі Ахлерт (Германія), Уладзімір Самсонаў (Беларусь), Соня Грэфберг (Фінляндыя), Іна Ёзепсан ( Латвія), Мігель Вісенс (Францыя).

За кандыдатуру Уладзіміра Самсонава аддадзена больш за 80 працэнтаў галасоў, што пацвярджае высокі ўзровень даверу да беларускага настольнага тэніса.

Наступны кангрэс ETTU запланаваны на верасень 2021 года ў Клуж-Напока (Румынія) у часы правядзення каманднага чэмпіянату Еўропы.

версія для друку

зрабіць стартавай

дабавіць у выбранае