Падзеі, факты, анонсы

У Віцебску адбылася цырымонія падняцця сцяга "Славянскага базару"

13 ліпеня, Віцебск /Алеся Пушнякова - БЕЛТА/. Крэатыўны ход прыдумалі арганізатары XXXII Міжнароднага фестывалю мастацтваў "Славянскі базар у Віцебску" - цырымонія падняцця сцяга форуму адбылася апоўначы, паведамляе карэспандэнт БЕЛТА.

Перад гэтым на пляцоўцы перад Летнім амфітэатрам правялі інтэрактыўную дыскатэку ў фармаце опэн-эйр. Лазернае шоу і завадная музыка нікога не пакінулі абыякавымі - гледачы танцавалі пад адкрытым небам. Творчыя калектывы Віцебска стваралі атмасферу свята і не давалі прысутным сумаваць.

Пасля гэтага ў прамянях яркага святла, што прарэзалі начную цемру, быў падняты сцяг фестывалю, а затым начное неба расквеціў феерверк. Такога шоу паклоннікі "Славянскага базару" яшчэ не бачылі.

Вядучыя цырымоніі запрасілі ўсіх наведаць мерапрыемствы, якія будуць праходзіць на шматлікіх пляцоўках горада. Песні, танцы, канцэрты, майстар-класы, конкурсы і фестывалі ў рамках фестывалю - да 17 ліпеня Віцебск будзе прасякнуты атмасферай творчасці, дружбы і братэрства.

версія для друку

зрабіць стартавай

дабавіць у выбранае