Падзеі, факты, анонсы

У Беларусі на 10 мая выздаравелі і выпісаны 6406 пацыентаў з COVID-19

Фота з архiва

11 мая, Мінск /Кар. БЕЛТА/. У Беларусі на 10 мая выздаравелі і выпісаны 6 406 пацыентаў, у якіх раней быў пацверджаны дыягназ COVID-19, паведамілі БЕЛТА ў прэс-службе Міністэрства аховы здароўя.

Як праінфармавалі ў Міністэрстве аховы здароўя, зарэгістравана 22 973 чалавекі са станоўчым тэстам на COVID-19, што складае 8,7 працэнта ад колькасці праведзеных тэстаў.

У Беларусі на сённяшні дзень адкрыта 38 лабараторый. Усяго праведзена 263 543 тэсты. "Ужо другія суткі колькасць праведзеных тэст-даследаванняў перавышае 10 тыс. З 9 на 10 мая спецыялісты правялі 11 772 тэсты", - адзначылі ў ведамстве.

За ўвесь перыяд распаўсюджвання інфекцыі на тэрыторыі краіны памёр 131 пацыент з шэрагам хранічных захворванняў з выяўленай каранавіруснай інфекцыяй.

версія для друку

зрабіць стартавай

дабавіць у выбранае