Падзеі, факты, анонсы
У Беларусі больш за 100 тыс. вернікаў прынялі ўдзел у святкаванні каталіцкай Вербнай нядзелі
30 сакавіка, Мінск /Кар. БЕЛТА/. У Беларусі больш за 100 тыс. вернікаў прынялі ўдзел у святкаванні Уваходу Гасподняга ў Іерусам - Вербнай (Пальмавай) нядзелі, паведамілі БЕЛТА ў МУС.
Святочныя богаслужэнні прайшлі ў 333 пратэстанцкіх і каталіцкіх храмах Беларусі. У Мінску на свята прыйшлі 51 тыс. вернікаў.
Міліцыя ў гэты дзень несла службу ва ўзмоцненым рэжыме. У ахове грамадскага парадку былі задзейнічаны сілы і сродкі ГУУС Мінгарвыканкама, УУС аблвыканкамаў, унутраных войскаў, устаноў адукацыі МУС. У цэлым адміністрацыйных правапарушэнняў, злачынстваў і іншых здарэнняў у месцах правядзення мерапрыемстваў у гэты дзень не зафіксавана. Асаблівая ўвага ўдзялялася пытанням асабістай, маёмаснай і дарожнай бяспекі. Супрацоўнікамі ДАІ ва ўзаемадзеянні з камунальнікамі прымаліся ўсе меры для забеспячэння камфортных умоў праезду і паркоўкі аўтатранспарту. Самі месцы правядзення мерапрыемстваў загадзя агледзелі спецыялісты сапёрна-піратэхнічных груп.
У ведамстве адзначылі, што хутка праваслаўныя адсвяткуюць Вербную нядзелю і Вялікдзень, велікодныя ўрачыстасці наперадзе і ў католікаў. Міліцыя ў гэтыя дні таксама будзе несці службу па забеспячэнні аховы грамадскага парадку ў месцах правядзення святочных мерапрыемстваў.
версія для друку
зрабіць стартавай
дабавіць у выбранае