Падзеі, факты, анонсы
Тэлеканалы "Беларусь 2" і "Беларусь 5" пакажуць чэмпіянат свету па футзале-2015
7 красавіка, Мінск /Кар. БЕЛТА/. Тэлеканалы "Беларусь 2" і "Беларусь 5" пакажуць прамыя трансляцыі ўсіх гульняў маштабнага спартыўнага форуму - чэмпіянату свету па футзале-2015, які пройдзе з 17 па 25 красавіка ў Беларусі. Аб гэтым БЕЛТА паведамілі ў прэс-службе Белтэлерадыёкампаніі.
Упершыню за 20 гадоў чэмпіянат свету па міні-футболе вяртаецца з краін Лацінскай Амерыкі ў Еўропу. Галоўнай пляцоўкай першынства на гэты раз стане адзін з самых вялікіх і высокатэхналагічных культурна-спартыўных комплексаў Еўропы - "Мінск-Арэна", у якім пройдуць урачыстае адкрыццё турніру, першы матч чэмпіянату, паўфіналы, матч за бронзавую ўзнагароду, фінал і цырымонія ўзнагароджання пераможцаў. Спаборніцтвы таксама прымуць Палац спорту ў Мінску, спартыўны комплекс "Вікторыя" ў Брэсце і "Хваля" ў Пінску, а таксама "Барысаў-Арэна" і Лядовы палац у Маладзечне.
На сусветным першынстве збяруцца 16 самых моцных зборных планеты, якія прадстаўляюць Лацінскую Амерыку (Аргенціна, Бразілія, Венесуэла, Калумбія, Уругвай, Парагвай, Кюрасаа), Еўропу (Беларусь, Расія, Чэхія, Славакія, Бельгія, Нарвегія), Азію (Кыргызстан), Афрыку (Марока) і Акіянію (Аўстралія).
Спаборніцтвы пачнуцца з матчу-адкрыцця Беларусь-Бразілія, прамую трансляцыю якога можна будзе ўбачыць 17 красавіка ў 18.55 на тэлеканале "Беларусь 2".
Два чвэрцьфінальныя паядынкі будуць прадстаўлены ўвазе гледачоў 22 красавіка ў эфіры "Беларусь 5" (18.10) і "Беларусь 2" (20.10).
Паўфінальныя гульні, матч за бронзавую ўзнагароду і фінал можна будзе ўбачыць у эфіры тэлеканале "Беларусь 2".
Трансляцыі матчаў, якія будуць згуляны ў Мінску, гледачы змогуць убачыць у эфіры тэлеканала "Беларусь 5".
версія для друку
зрабіць стартавай
дабавіць у выбранае