Падзеі, факты, анонсы
Свята Вясны дасць магчымасць беларусам азнаёміцца з нацыянальнымі кітайскімі традыцыямі
18 студзеня, Мінск /Аліна Грышкевіч - БЕЛТА/. Свята Вясны дасць магчымасць беларусам азнаёміцца з нацыянальнымі кітайскімі традыцыямі. Аб гэтым сказаў сёння на прэс-канферэнцыі першы сакратар пасольства КНР у Беларусі Чжан Хунвэй, перадае карэспандэнт БЕЛТА.
"Вясёлае свята Вясны-2017" у Беларусі мае дзве тэматыкі: 25-годдзе ўстанаўлення беларуска-кітайскіх дыпадносін і традыцыйны кітайскі Новы год - Свята Вясны.
Дыпламат расказаў, што традыцыя налічвае амаль чатырохтысячную гісторыю, перадаючы з пакалення ў пакаленне і развіваючы на працягу некалькіх тысяч гадоў, свята дагэтуль застаецца самым важным для кітайскага народа.
"Культура гэтага свята захоўвае глыбокія культурныя памкненні кітайскай нацыі, красамоўна і глыбока адлюстроўвае ідэал гармоніі паміж чалавекам і навакольным асяроддзем, якога кітайская цывілізацыя прытрымлівалася спакон веку", - адзначыў Чжан Хунвэй. Ён таксама падкрэсліў важнасць культурнага складніка ў двухбаковым супрацоўніцтве. "Пры актыўнай падтрымцы лідараў дзвюх краін Аляксандра Лукашэнкі і Сі Цзіньпіна кітайскі і беларускі бакі ўмацоўваюць узаемны давер і развіваюць кантакты", - сказаў дыпламат.
Ён таксама паведаміў, што "Вясёлае свята Вясны" пройдзе ў Мінску і Гродне 18-21 студзеня і дасць магчымасць беларусам азнаёміцца з кітайскімі культурнымі традыцыямі.
Арганізатары мерапрыемства - пасольства Кітая ў Беларусі, міністэрствы культуры дзвюх краін. Сярод суарганізатараў - ТАА "Бел Хуавэй Тэхноладжыс".
версія для друку
зрабіць стартавай
дабавіць у выбранае