Падзеі, факты, анонсы

Свята казахскай культуры пройдзе 17 чэрвеня ў Мінску

14 чэрвеня, Мінск /Кар. БЕЛТА/. Свята казахскай культуры "Стэпавыя напевы" ўпершыню пройдзе ў Мінску 17 чэрвеня на тэрыторыі Верхняга горада, паведамілі БЕЛТА ў прэс-службе Мінгарвыканкама.

Песні, танцы і абрады казахскага народа будуць прадстаўлены ў канцэртнай праграме творчага калектыву "Салтанат". У кожнага жадаючага будзе шанц пабываць у старажытным жыллі качэўнікаў - сапраўднай казахскай юрце з традыцыйным унутраным убраннем і прадметамі побыту. Пройдуць выстаўкі фатаграфій, вырабаў і малюнкаў аб Казахстане, прэзентацыі нацыянальных касцюмаў. У праграме свята - прызавыя віктарыны і танцавальны флэш-моб, а таксама майстар-клас нацыянальнай кухні. Гледачам будзе прадстаўлена нацыянальная барацьба - казахша курэс.

версія для друку

зрабіць стартавай

дабавіць у выбранае