Падзеі, факты, анонсы
Спартсмены з 8 краін паўдзельнічаюць у чэмпіянаце Беларусі па лёгкай атлетыцы на стадыёне "Дынама"
17 ліпеня, Мінск /Кар. БЕЛТА/. Спартсмены з васьмі краін прымуць удзел у адкрытым чэмпіянаце Беларусі па лёгкай атлетыцы, які 20-21 ліпеня прыме абноўлены стадыён "Дынама", паведамілі карэспандэнту БЕЛТА ў БФЛА.
У спаборніцтвах прымуць удзел каля 400 атлетаў, сярод якіх будуць не толькі беларусы, але і прадстаўнікі Ірана, Ірака, Аўстраліі, Казахстана, Азербайджана, Ізраіля, Даніі і Літвы.
Беларуская каманда плануе выступіць моцным складам. На дарожку ў бегу на 100 м з бар'ерамі плануюць выйсці Аліна Талай, спрынтар Хрысціна Ціманоўская, якая зусім нядаўна паказала высокі рэзультат (11,04 сек.) у гэтай дысцыпліне. У сектары для кідання кап'я чакаюць аднаго з лідараў сезона Таццяну Халадовіч, у скачках у вышыню выступіць Максім Недасекаў.
Агульны прызавы фонд чэмпіянату Беларусі па лёгкай атлетыцы складзе больш за Br42 тыс. Чэмпіянат Беларусі па лёгкай атлетыцы 20-21 ліпеня на стадыёне "Дынама" стане і праверкай сіл перад кантынентальным форумам, які з 7 па 12 жніўня прыме Берлін.
версія для друку
зрабіць стартавай
дабавіць у выбранае