Падзеі, факты, анонсы
Следчы камітэт і ЮНІСЕФ зацікаўлены ў рэалізацыі сумесных праектаў у сферы абароны дзяцей
7 жніўня, Мінск /Кар. БЕЛТА/.
Іван Наскевіч абмеркаваў з намеснікам прадстаўніка ЮНІСЕФ у Беларусі
Габрыэлай Акімавай і кансультантам ЮНІСЕФ Ганнай Пінаевай перспектывы супрацоўніцтва па абароне дзяцей. Бакі выказалі зацікаўленасць у рэалізацыі сумесных праектаў.Адзначаючы важнасць сустрэчы, Іван Наскевіч падкрэсліў: "Абарона дзяцей ад проціпраўных пасяганняў разглядаецца Следчым камітэтам як прыярытэтная задача. У гэтым плане асноўны акцэнт зроблены на следчай прафілактыцы. Хвалююць пытанні ўздзеяння на дзяцей дэструктыўных супольнасцей у сетцы Інтэрнэт, распаўсюджванне парнаграфічных матэрыялаў. Дзеці становяцца ахвярамі не толькі насілля ў сем'ях, але і зведваюць насілле ў кіберпрасторы. Для вырашэння гэтых праблем мы прымаем шэраг мер у ходзе дасудовага вядзення па справе, прыцягваем іншыя дзяржаўныя органы з мэтай устаранення прычын і ўмоў, якія садзейнічаюць учыненню злачынстваў, актыўна ўзаемадзейнічаем з грамадскімі арганізацыямі. Таму будзем рады канструктыўнаму супрацоўніцтву з ЮНІСЕФ".
Паводле слоў Габрыэлы Акімавай, аналіз, праведзены ЮНІСЕФ разам з урадам Беларусі, выявіў галіны, якія патрабуюць неадкладных інвестыцый і сумеснай работы. Праграма ЮНІСЕФ у Беларусі на 2016-2020 гады адлюстроўвае нацыянальныя інтарэсы. Сярод іх забеспячэнне бяспечнага асяроддзя для дзіцяці. Актуальнымі застаюцца пытанні прадухілення псіхалагічнага і фізічнага насілля ў адносінах да дзяцей у сям'і, пашырэнне здаровага ладу жыцця і зніжэнне дзіцячай смяротнасці ад знешніх прычын. А таксама прафілактыка і ранняе выяўленне сямейнай нядобранадзейнасці і забеспячэнне інтарэсаў дзіцяці.
версія для друку
зрабіць стартавай
дабавіць у выбранае