Падзеі, факты, анонсы

Шымановіч і Змушко сталі сярэбранымі прызёрамі другога этапу Кубка свету па плаванні

Фота Мінспорту

25 кастрычніка, Мінск /Кар. БЕЛТА/. Беларускія спартсмены заваявалі чарговыя медалі другога этапу Кубка свету па плаванні, што праходзіць у паўднёвакарэйскім Інчхоне, паведамляе карэспандэнт БЕЛТА.

У пятніцу лідар нашай мужчынскай каманды Ілья Шымановіч выступаў на дыстанцыі 50 м брасам. Па выніках папярэдніх заплываў беларус заняў лідзіруючы радок, апярэдзіўшы бліжэйшага з сапернікаў на паўсекунды. У фінале канкурэнцыю мінчаніну склаў Цынь Хайян з Кітая: усё вырашыў фінішны дотык, на 0,02 сек. хутчэйшы аказаўся кітаец. У Ільі - серабро. Напярэдадні беларус атрымаў перамогу на дыстанцыі ў два разы даўжэйшай.

На стаметроўцы брасам у жанчын першую асабістую ўзнагароду ў Рэспубліцы Карэя заваявала Аліна Змушко. У фінальным заплыве беларуска больш за секунду прайграла пераможцы з Кітая Тан Цяньцін, але пры гэтым такі ж адрыў "прывезла" стаўшай трэцяй канадцы Сафі Энгас. У чацвер Аліна спынілася за крок ад тройкі на 200-метроўцы.

Блізкая да подыума сёння была Настасся Шкурдай. Брастаўчанка выйшла ў фінал на дыстанцыі 100 м на спіне, дзе заняла чацвёртае месца. Ад бронзы Настассю аддзялілі шэсць сотых секунды. Такім чынам, пасля двух дзён спаборніцтваў у Інчхоне ў актыве нашай каманды тры медалі (1-2-0). Другі этап Кубка свету па плаванні завершыцца заўтра.

версія для друку

зрабіць стартавай

дабавіць у выбранае