Падзеі, факты, анонсы
Шорац падтрымлівае ідэю стварэння ў Мінску ўласнага "Дыснейленда"
7 верасня, Мінск /Кар. БЕЛТА/. Гарадскія ўлады падтрымліваюць ідэю стварэння ў Мінску ўласнага "Дыснейленда". Аб гэтым паведаміў журналістам старшыня Мінгарвыканкама Андрэй Шорац, адказваючы на пытанне карэспандэнта БЕЛТА.
"У горадзе сапраўды павялічваецца колькасць дзіцячага насельніцтва. Таму мы зацікаўлены ў стварэнні ў Мінску ўласнага парку забаў, запатрабаванага сярод дзяцей і іх бацькоў", - сказаў Андрэй Шорац, адзначыўшы, што падтрымае інвестара, які захоча ажыццявіць гэту ідэю.
Старшыня Мінгарвыканкама падкрэсліў, што сродкі гарадскога бюджэту выдзяляюцца на развіццё заапарка, Цэнтральнага дзіцячага парку імя М. Горкага і парку імя Чалюскінцаў. Напрыклад, на тэрыторыі апошняга за бюджэтныя грошы ў хуткім часе пабудуюць вяровачны гарадок.
версія для друку
зрабіць стартавай
дабавіць у выбранае