Падзеі, факты, анонсы

Сасновіч і Калашнікава выйшлі ў 1/2 фіналу парнага разраду турніру WTA ў Ганконгу

Фота з архiва

13 кастрычніка, Мінск /Кар. БЕЛТА/. Беларуска Аляксандра Сасновіч і грузінская тэнісістка Аксана Калашнікава выйшлі ў паўфінал парнага разраду турніру катэгорыі WTA-250 у Ганконгу з прызавым фондам $259,3 тыс., паведамляе карэспандэнт БЕЛТА.

У сённяшнім матчы чвэрцьфінальнай стадыі яны перамаглі ў дзвюх партыях нямецка-швейцарскі тандэм Юлія Лохаф / Коні Перэн - 7:5, 6:2. Пазней беларуская тэнісістка Лідзія Марозава і полька Катажына Пітэр паспрачаюцца за выхад у паўфінал з расіянкай Мірай Андрэевай і амерыканкай Пейтан Стэрнс.

У чвэрцьфінале парнага разраду мужчынскага турніру ў кітайскім Шэньчжэні з прызавым фондам $130 тыс. беларус Ягор Герасімаў і расіянін Яўген Данскі ўступілі аўстрыйскаму дуэту Аляксандр Эрлер / Лукас Мідлер - 2:6, 5:7. Раней Герасімаў прабіўся ў паўфінал адзіночнага разраду, адолеўшы ў трохсэтавым паядынку казахстанскага тэнісіста Бейбіта Жукаева - 6:7 (4:7), 6:2, 6:3. У матчы за выхад у фінал апанентам Ягора Герасімава будзе партугалец Нуно Боргес. У першым крузе Герасімаў перамог прадстаўніка Аўстраліі Лі Ту - 4:6, 6:4, 6:4, а затым выйграў у французскага тэнісіста Тэрэнса Атмана - 7:6 (7:4), 6:3.

версія для друку

зрабіць стартавай

дабавіць у выбранае