Падзеі, факты, анонсы

Сабаленка выйшла ў чвэрцьфінал турніру WTA-1000 ва Ухані

10 кастрычніка, Мінск /Кар. БЕЛТА/. Беларуская тэнісістка Арына Сабаленка прабілася ў чвэрцьфінал турніру WTA-1000 у кітайскім Ухані з прызавым фондам $3,2 млн, паведамляе карэспандэнт БЕЛТА.
 
Сёння ў матчы 1/8 фіналу другая ракетка планеты сустракалася з прадстаўніцай Казахстана Юліяй Пуцінцавай і выйграла - 1:6, 6:4, 6:0. У чвэрцьфінале беларуска сустрэнецца з пераможцай гульні паміж полькай Магдай Фрэш і бразільянкай Беатрыс Хадад Мая.
 
У паядынку 1/16 фіналу Сабаленка абыграла ў двух сэтах чэшскую тэнісістку Кацярыну Сінякову - 6:4, 6:4.
 
Арына Сабаленка з'яўляецца двухразовай пераможцай гэтых спаборніцтваў - яна выйгравала іх у 2018 і 2019 гадах.

Цяперашні турнір завершыцца 13 кастрычніка. Чэмпіёнка атрымае 1000 рэйтынгавых ачкоў і $525,1 тыс.

версія для друку

зрабіць стартавай

дабавіць у выбранае