Падзеі, факты, анонсы

Ірына Жук абнавіла рэкорд Беларусі ў скачках з шастом у памяшканні

Ірына Жук. Фота з архіва

18 лютага, Мінск /Кар. БЕЛТА/. Беларуска Ірына Жук устанавіла новы нацыянальны рэкорд у скачках з шастом у памяшканні, паведамілі БЕЛТА ў прэс-службе НАК Беларусі.

На турніры ў французскім горадзе Льевен Ірыне пакарылася вышыня 4 м 80 см - гэты рэзультат даў магчымасць беларусцы заваяваць сярэбраны медаль. Жук абнавіла сваё ж нацыянальнае дасягненне (4,77 м), устаноўленае два тыдні таму таксама ў Францыі.

Пераможцай турніру ў горадзе Льевен стала расіянка Анжаліка Сідарава, якая справілася з планкай на адзнацы 4 м 85 см. Трэцяе месца заняла алімпійская чэмпіёнка Токіа Кэці Нажот з ЗША.

Асноўным стартам для лёгкаатлетаў у зімовым сезоне стане чэмпіянат свету ў памяшканні, які пройдзе ў Бялградзе з 18 па 20 сакавіка.

версія для друку

зрабіць стартавай

дабавіць у выбранае