Падзеі, факты, анонсы

Работы фатографа БЕЛТА прадстаўлены ў Эрмітажы

Аксана Манчук на фоне свайго праекта

15 красавіка, Санкт-Пецярбург /Кар. БЕЛТА/. Работы фатографа БЕЛТА Аксаны Манчук прадстаўлены ў Дзяржаўным Эрмітажы ў Расіі, паведамляе карэспандэнт БЕЛТА.

У Санкт-Пецярбургу 14-16 красавіка праходзіць XV Медыяфорум маладых журналістаў "Дыялог культур". У праграму ўключана фотавыстава "Я тут жыву". Па традыцыі яна размяшчаецца ў залах галоўнага штаба Эрмітажа, якія могуць умясціць 300 работ 50 фотакарэспандэнтаў.

Аксана Манчук прадставіла на выставе восем фотаработ аб Студэнцкай вёсцы ў Мінску. Гэты фотапраект рыхтаваўся 1,5 года пад куратарствам вядомага расійскага фатографа Юрыя Козырава. "Праект называецца "Вавілон". Ён прысвечаны студэнтам, якія прыязджаюць вучыцца ў Беларусь з розных краін свету. Я хацела паказаць, што, нягледзячы на ўсе адрозненні, у гэтых маладых людзей ёсць шмат агульнага", - расказала Аксана Манчук.

Старшыня медыякангрэса "Садружнасці журналістаў", сакратар Саюза журналістаў Расіі Ашот Джазаян адзначыў, што на выставе прадстаўлены вельмі цікавыя работы, лепшыя, на думку арганізатараў, былі адзначаны дыпломамі.

версія для друку

зрабіць стартавай

дабавіць у выбранае