Падзеі, факты, анонсы

24 сакавіка, Мінск /Кар. БЕЛТА/. Прадстаўнікі грамадскасці, працоўных калектываў, СМІ прымуць удзел у акцыі па добраўпарадкаванні Курапат, паведамілі БЕЛТА ў прэс-службе ФПБ.

Працоўная акцыя, якую ініцыіравала Федэрацыя прафсаюзаў Беларусі, пройдзе 25 сакавіка з 12.00 ва ўрочышчы Курапаты. "Разам з кіраўніцтвам ФПБ, галіновых прафсаюзаў, пярвічных прафсаюзных арганізацый да работы далучацца і Беларускі рэспубліканскі саюз моладзі, і грамадскае аб'яднанне "Белая Русь", і прадстаўнікі працоўных калектываў Мінска, сродкаў масавай інфармацыі", - сказаў Міхаіл Орда.

Як паведамлялася, старшыня ФПБ Міхаіл Орда 22 сакавіка заклікаў грамадскія арганізацыі краіны, неабыякавых беларусаў, незалежна ад іх канфесійных і палітычных поглядаў, даць старт маштабнаму гістарычна важнаму праекту - стварэнню ў Курапатах нацыянальнага мемарыяла памяці і смутку.