Падзеі, факты, анонсы
Прадстаўнікі беларускай дыяспары і французы выканалі на фоне Эйфелевай вежы гімн Беларусі
25 чэрвеня, Мінск /Кар. БЕЛТА/. Пасольства Беларусі ў Францыі арганізавала акцыю "Спяём гімн Беларусі разам", паведамілі БЕЛТА ў пасольстве.
Напярэдадні Дня Незалежнасці Беларусі на адной з цэнтральных плошчаў Парыжа на фоне Эйфелевай вежы больш як 100 прадстаўнікоў беларускай дыяспары, французаў - сяброў Беларусі, супрацоўнікаў беларускага пасольства сумесна выканалі нацыянальны гімн. Гімн быў выкананы ў суправаджэнні Гродзенскай капэлы.
Акцыя "Спяём гімн разам" праводзіцца ў рамках Беларускага тыдня ў Парыжы - шэрага мерапрыемстваў, прысвечаных Дню Незалежнасці, якія ставяць за мэту азнаёміць прадстаўнікоў французскіх улад, дыпламатычны корпус і шырокую грамадскасць з беларускай гісторыяй і культурай. Тыдзень праходзіць з удзелам беларускай дыяспары і будзе садзейнічаць умацаванню сувязей з суайчыннікамі, якія пражываюць у Францыі, перакананы ў пасольстве.
версія для друку
зрабіць стартавай
дабавіць у выбранае