Падзеі, факты, анонсы
Памёр легендарны барэц Аляксандр Мядзведзь
Аляксандр Мядзведзь
2 верасня, Мінск /Кар. БЕЛТА/. Сёння, 2 верасня, пайшоў з жыцця легендарны беларускі барэц, трохразовы алімпійскі чэмпіён Аляксандр Мядзведзь, паведамілі БЕЛТА ў Беларускай федэрацыі барацьбы.
Аляксандр Мядзведзь нарадзіўся 16 верасня 1937 года. Свой першы залаты алімпійскі медаль ён заваяваў у 1964 годзе ў Токіа, затым былі перамогі на Алімпіядах у Мехіка-1968 і Мюнхене-1972. За доўгія гады спартыўнай кар'еры Аляксандр Мядзведзь стаў сяміразовым чэмпіёнам свету, трохразовым чэмпіёнам Еўропы і дзевяціразовым чэмпіёнам Савецкага Саюза па вольнай барацьбе. За выдатныя дасягненні ён быў удастоены звання заслужанага майстра спорту СССР, у 2001 быў прызнаны лепшым спартсменам Беларусі мінулага стагоддзя, а ў 2005 - лепшым барцом вольнага стылю ХХ стагоддзя ў свеце.
Пасля завяршэння выступленняў Аляксандр Васільевіч перайшоў на трэнерскую работу, быў віцэ-прэзідэнтам Нацыянальнага алімпійскага камітэта, узначальваў зборную Беларусі па вольнай барацьбе, узначальваў Беларускую федэрацыю барацьбы.
Лукашэнка накіраваў спачуванне ў сувязі са смерцю легендарнага барца і трэнера Аляксандра Мядзведзя
2 верасня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне родным і блізкім заслужанага майстра спорту СССР, заслужанага трэнера БССР і СССР, шматразовага чэмпіёна свету і Алімпійскіх гульняў Аляксандра Мядзведзя. Аб гэтым БЕЛТА паведамілі ў прэс-службе беларускага лідара.
"Прыміце шчырыя спачуванні ў сувязі са смерцю легенды сусветнага спорту Аляксандра Васільевіча Мядзведзя. Пайшоў з жыцця вялікі атлет, трэнер, грамадскі дзеяч. Ён тройчы паднімаўся на вышэйшую прыступку алімпійскага п'едэстала, дэманструючы на дыване віртуозную тэхніку і вялікую моц, быў прызнаны лепшым барцом вольнага стылю ў гісторыі спорту", - гаворыцца ў спачуванні.
Прэзідэнт падкрэсліў, што Аляксандр Мядзведзь усяго сябе прысвяціў служэнню роднай Беларусі, унёс неацэнны ўклад у развіццё нацыянальнай школы барацьбы і алімпійскага руху.
"У памяці беларускага народа Аляксандр Васільевіч назаўсёды застанецца як увасабленне сілы, мудрасці і патрыятызму", - падкрэсліў беларускі лідар.
версія для друку
зрабіць стартавай
дабавіць у выбранае