Падзеі, факты, анонсы
Пакістанскі інфармацыйна-культурны цэнтр плануецца адкрыць у Мінску
11 лістапада, Ісламабад /Юлія Дылянок - БЕЛТА/. Пакістанскі інфармацыйна-культурны цэнтр плануецца адкрыць у Мінску. Аб гэтым заявіў сёння прэм'ер-міністр Беларусі Андрэй Кабякоў у час урачыстай цырымоніі адкрыцця Беларускага інфармацыйна-культурнага цэнтра ў Нацыянальнай бібліятэцы Пакістана, перадае карэспандэнт БЕЛТА.
"Мы з прэм'ер-міністрам Пакістана Навазам Шарыфам дамовіліся, што аналагічны пакістанскі цэнтр у Нацыянальнай бібліятэцы Беларусі будзе адкрыты ў бліжэйшы час", - сказаў Андрэй Кабякоў.
Ён запэўніў, што кіраўніцтва Беларусі зробіць усё неабходнае, каб цэнтр быў адкрыты адразу ж, як толькі да гэтага будуць гатовы пакістанскія партнёры.
Беларускі інфармацыйна-культурны цэнтр адкрыўся сёння ў Ісламабадзе. Гэта адзін з першых беларуска-пакістанскіх праектаў, ажыццёўлены дзякуючы дасягнутым дамоўленасцям паміж дзвюма краінамі. Цэнтр створаны з мэтай развіцця ўзаемавыгаднага супрацоўніцтва ў культурнай, гуманітарнай, эканамічнай, навукова-тэхнічнай, адукацыйнай, турыстычнай і інфармацыйнай сферах.
версія для друку
зрабіць стартавай
дабавіць у выбранае