Падзеі, факты, анонсы
Інтэрв'ю Лукашэнкі кітайскаму ССTV увойдзе ў 6-серыйны дакументальны фільм "Адзін пояс, адзін шлях"
1 сакавіка, Мінск /Аліна Грышкевіч - БЕЛТА/. Інтэрв'ю Прэзідэнта Беларусі Аляксандра Лукашэнкі Цэнтральнаму тэлебачанню Кітая ССTV увойдзе ў 6-серыйны дакументальны фільм пад назвай "Адзін пояс, адзін шлях", паведамляе карэспандэнт БЕЛТА.
Фільм прысвечаны эканамічнаму поясу Шаўковага шляху. Аўтары кінакарціны плануюць у тым ліку асвятліць поспехі беларуска-кітайскага супрацоўніцтва. Фільм выйдзе ў эфіры Цэнтральнага тэлебачання Кітая ў чэрвені 2016 года.
Прэзідэнт Беларусі адказаў на шэраг пытанняў адносна найбольш значных вынікаў і перспектыў беларуска-кітайскага супрацоўніцтва. Акцэнт быў зроблены на ўдзеле нашай дзяржавы ў рэалізацыі кітайскай канцэпцыі па будаўніцтве эканамічнага пояса Шаўковага шляху. У гэтым кантэксце асобная ўвага ў ходзе інтэрв'ю была ўдзелена Кітайска-беларускаму індустрыяльнаму парку як аднаму з найбольш значных і перспектыўных праектаў у краінах, размешчаных уздоўж эканамічнага пояса Шаўковага шляху.
ССTV - буйнейшая ў Кітаі дзяржаўная тэлекампанія, якая ажыццяўляе вяшчанне з 1958 года.
версія для друку
зрабіць стартавай
дабавіць у выбранае